Uppfært 21. október 2026
Skilmálar þessir gilda um notkun þína á Memor, áskriftarappi fyrir fjölskyldur („Memor“, „við“, „okkur“), sem Berglind Björk Arnfinnsdóttir Nielsen, kt. 240398-3549 („rekstraraðili“), rekur.
Þú samþykkir þessa skilmála með virkri staðfestingu við stofnun aðgangs, þ.e. til dæmis með því að haka sérstaklega við reit þess efnis að þú hafir lesið og samþykkir skilmálana og persónuverndarstefnu Memor.
Memor er áskriftarsíða fyrir fjölskyldur sem inniheldur sameiginlegt dagatal, verkefnalista, innkaupalista, uppskriftir og matseðil, ásamt sjónrænu skipulagi og dagskrá fyrir börn, stjörnukerfi með verðlaunum, gjafalistum, yfirliti yfir eyðslu heimilisins og yfirliti yfir það sem er til á heimilinu. Memor er áskriftarsíða/vefapp sem keyrir í vafra. Memor er ekki fáanlegt í gegnum App Store eða Google Play.
Innan þjónustunnar bjóðum við jafnframt upp á valfrjálsar viðbætur, þér að kostnaðarlausu, sem setja tilbúið efni inn í dagatalið þitt — til dæmis jólasveinana og íslenska frí- og hátíðisdaga. Þú kveikir sjálf/ur á hverri viðbót og getur fjarlægt hana aftur hvenær sem er, og fjarlægist þá eingöngu það efni sem viðbótin setti inn. Efnið er til upplýsingar og þæginda; við ábyrgjumst ekki að dagsetningar séu réttar í hverju tilviki og mælum með að þú staðfestir mikilvægar dagsetningar sjálf/ur.
Við leitumst við að tryggja að Memor sé aðgengilegt og virki eins og til er ætlast, en áskiljum okkur rétt til að breyta, uppfæra eða leggja niður eiginleika þjónustunnar með hæfilegum fyrirvara.
Til að nota Memor þarf að stofna aðgang með netfangi og lykilorði. Nýr aðgangur er óvirkur þar til netfang er staðfest með hlekk sem sendur er í tölvupósti.
Þú berð ábyrgð á að halda innskráningarupplýsingum þínum leyndum og á allri notkun sem fer fram um aðganginn þinn.
Þú skalt tilkynna okkur tafarlaust ef þú telur að aðgangur þinn hafi komist í hendur óviðkomandi aðila.
Með því að stofna aðgang staðfestir þú að þú sért 18 ára eða eldri, eða foreldri/forráðamaður ólögráða einstaklings og samþykkir notkun barnsins á þjónustunni undir þinni umsjón.
Sá sem stofnar heimili (eigandi heimilisins) getur boðið öðrum að skrá sig inn á sama heimili, allt að fjórum aðgöngum samtals. Hver og einn skráir sig inn með sínu eigin netfangi og lykilorði. Aðgangar sem boðið er með netfangi eru eingöngu fyrir einstaklinga 18 ára og eldri, og eigandinn staðfestir það þegar hann býður. Um aðganga fyrir unglinga gildir grein 3.2. Yngri börn nota barnahluta Memor í tæki foreldris eða forráðamanns.
Allir á heimilinu geta séð, breytt og eytt öllu efni heimilisins, þar á meðal gögnum barnanna. Læst svæði, eins og læstir gjafalistar, eru aðeins opin þeim sem þekkja lykilorð þeirra. Gjafir og viðburðir sem merktir eru „Aðeins ég sé þetta“ sjást aðeins á aðgangi þess sem skráði þá. Eigandinn ber ábyrgð á því hverjum hann býður og getur fjarlægt aðganga af heimilinu hvenær sem er. Aðrir á heimilinu geta yfirgefið það hvenær sem er.
Áskriftin tilheyrir heimilinu og er á ábyrgð eigandans. Renni hún út missa allir á heimilinu aðgang. Aðgangur sem yfirgefur heimilið eða er fjarlægður af því hefur enga áskrift fyrr en viðkomandi velur sér áskrift. Eigandi getur ekki eytt aðgangi sínum á meðan aðrir eru á heimilinu.
Eigandi heimilisins getur stofnað aðgang fyrir ungling á heimilinu. Aðgangurinn er ætlaður 13 ára og eldri. Eigandinn býr til notandanafn og lykilorð og velur hvað unglingurinn sér: dagatal, verkefni, matseðil og uppskriftir og/eða innkaupalista. Unglingurinn getur skoðað og breytt því sem honum er deilt, en sér aldrei gjafalista, eyðslu, Búrið, áskrift eða stillingar heimilisins.
Með því að stofna aðganginn staðfestir eigandinn að hann sé forsjáraðili barnsins eða hafi heimild forsjáraðila, og samþykkir þessa skilmála fyrir hönd barnsins. Stofni eigandinn aðgang fyrir barn yngra en 13 ára er það á hans ábyrgð.
Eigandinn ber ábyrgð á notkun unglingaaðgangsins, getur breytt því sem deilt er, sett nýtt lykilorð og eytt aðganginum hvenær sem er. Unglingaaðgangur telst með í hámarksfjölda aðganga á heimilinu, fylgir áskrift heimilisins og er eytt ef honum er eytt af heimilinu eða ef heimilinu er eytt. Unglingar geta hvorki keypt áskrift, boðið öðrum, deilt efni með hlekk né fengið boðshlekk.
Sá sem stofnar aðgang og skráir barn inn í Memor (foreldri eða forráðamaður) ber ábyrgð á að hafa til þess heimild, og á öllu efni sem skráð er um barnið, þar á meðal nafni, mynd, dagsrútínu, óskalista og öðru efni í barnahluta vefsins. Óskalisti barnsins er sýnilegur öllum sem nota aðganginn, og foreldri getur fært óskir af honum yfir á gjafalistann án þess að það sjáist í barnahlutanum.
Í boði eru eftirfarandi áskriftarleiðir: mánaðaráskrift á 1.790 kr., 6 mánaða áskrift á 8.900 kr. og ársáskrift á 14.900 kr. Nýir notendur fá 14 daga frían reynslutíma áður en til kaupa kemur, og telst reynslutíminn frá staðfestingu netfangs en ekki frá skráningu aðgangs. Verð eru í íslenskum krónum og eru lokaverð sem viðskiptavinur greiðir. Rekstraraðili er ekki skráður á virðisaukaskattsskrá.
Rekstraraðili getur veitt einstökum notendum tímabundinn aðgang án endurgjalds, til dæmis í tengslum við samstarf eða kynningu. Slíkur aðgangur gildir í þann tíma sem tilgreindur er og endurnýjast ekki sjálfkrafa. Að honum loknum gilda sömu reglur og þegar áskrift rennur út.
Þegar þú kaupir áskrift ertu send/ur á örugga greiðslusíðu Teya. Kortaupplýsingar eru slegnar inn beint hjá Teya, berast aldrei til Memor og eru hvergi geymdar hjá okkur. Teya sendir þér kvittun í tölvupósti.
Þegar Teya hefur staðfest greiðsluna bætist áskriftartímabilið sjálfkrafa við aðganginn þinn, ofan á þá daga sem þú átt eftir. Berist staðfestingin ekki strax, til dæmis ef greiðslusíðunni er lokað of snemma, er hún sótt sjálfkrafa síðar og þú þarft ekki að greiða aftur. Hafi greiðsla verið tekin af kortinu án þess að áskriftin hafi bæst við skaltu hafa samband við okkur og við lögum það. Hafi greiðsla borist eftir öðrum leiðum, t.d. með greiðsluhlekk, skráir rekstraraðili áskriftartímabilið handvirkt og getur þá veitt bráðabirgðaaðgang í allt að fimm daga, einu sinni á hverjum 20 dögum.
Áskrift endurnýjast ekki sjálfkrafa. Þegar áskriftartímabili lýkur lokast aðgangur að Memor þar til ný áskrift er keypt.
Við áskiljum okkur rétt til að breyta verði áskriftar. Slíkar breytingar hafa ekki áhrif á þegar keypt tímabil og taka því aðeins gildi þegar notandi kaupir nýja áskrift.
Í appinu getur þú fengið persónulegan hlekk til að bjóða öðrum í Memor. Hlekkurinn tilheyrir heimilinu þínu. Áður en hlekkurinn birtist í fyrsta sinn þarft þú að lesa og samþykkja þessa grein. Þú mátt deila hlekknum með mörgum í einu, til dæmis í færslu á samfélagsmiðlum, og allir sem skrá sig í gegnum hann teljast boðnir af þér.
Sá sem stofnar nýjan aðgang í gegnum hlekkinn fær 21 dags frían reynslutíma í stað 14 daga. Það á aðeins við um netfang sem hefur ekki áður verið skráð í Memor.
Þegar sá sem þú bauðst kaupir áskrift og rekstraraðili hefur staðfest greiðsluna bætast 30 dagar við áskrift heimilisins þíns. Dagarnir bætast við þann tíma sem eftir er og þú færð tilkynningu um það í appinu. Ekkert er veitt fyrir skráningu eina og sér, aðeins fyrir greidda áskrift. Dagarnir eru aðeins veittir einu sinni fyrir hvern þann sem þú bauðst, þegar hann kaupir áskrift í fyrsta sinn. Ekkert bætist við þegar hann endurnýjar áskriftina eða kaupir lengri áskrift síðar. Hvert heimili getur fengið daga fyrir allt að 12 keyptar áskriftir á hverju 12 mánaða tímabili, eða 360 daga. Skráningar og kaup umfram það teljast áfram með en veita ekki fleiri daga.
Þú sérð aðeins fjölda þeirra sem hafa skráð sig í gegnum hlekkinn þinn og hve margir þeirra hafa keypt áskrift, en hvorki nöfn þeirra né netföng.
Dagar sem fást með boðum hafa ekkert peningalegt gildi, verður ekki skipt fyrir peninga og verða ekki færðir á annan aðgang. Ekki er hægt að bjóða sjálfum sér, öðru netfangi sínu eða aðgangi á eigin heimili. Deildu hlekknum aðeins með fólki sem þú telur hafa áhuga og ekki með ruslpósti eða keyptum auglýsingum.
Rekstraraðili getur hafnað eða dregið til baka daga sem fengnir eru með misnotkun, til dæmis með gervireikningum, og getur breytt boðskjörunum eða hætt þeim. Breytingar hafa ekki áhrif á daga sem þegar hafa verið veittir.
Þú átt allan rétt að því efni sem þú skráir í Memor, svo sem dagatalsviðburði, verkefnalista, innkaupalista, uppskriftir, matseðla, gjafalista, eyðsluskráningu, skráningu í Búrið og myndir.
Með því að skrá efni inn í Memor veitir þú okkur takmarkað leyfi til að vista, vinna úr og birta efnið fyrir þig og aðra notendur heimilisins þíns, eingöngu í þeim tilgangi að veita þjónustuna.
Þú berð ábyrgð á að efni sem þú skráir brjóti ekki gegn réttindum annarra eða gildandi lögum.
Í gjafalistum og víðar getur þú skráð nöfn og upplýsingar um fólk utan heimilisins, til dæmis hverjum gjöf er ætluð. Þú berð ábyrgð á þeirri skráningu og á því að hún sé hófleg og eðlileg. Við notum þessar upplýsingar ekki í neinum öðrum tilgangi en að birta þér þær aftur.
Þú getur skráð upphæðir sem þú eyðir og sett þér mánaðarlegt markmið. Þessar tölur eru einungis vistaðar og birtar þér og öðrum notendum heimilisins. Memor tengist ekki banka eða greiðslukorti, sækir engar færslur sjálfkrafa og veitir hvorki fjármálaráðgjöf né bókhaldsþjónustu. Skráningin er þitt eigið yfirlit og kemur ekki í stað bókhalds.
Memor getur sótt uppskrift af vefsíðu, TikTok eða Instagram þegar þú límir inn hlekk, eða lesið hana af skjáskoti. Uppskriftir sem sóttar eru með þessum hætti eru áfram eign höfunda sinna. Eiginleikinn er ætlaður til að þú getir haldið utan um uppskriftir til eigin nota og heimilisins; þú berð ábyrgð á að nota efnið ekki umfram það, til dæmis með því að birta það eða dreifa því opinberlega. Hlekkurinn á upprunann er vistaður með uppskriftinni svo alltaf sé hægt að rekja hana til höfundar.
Útkoman getur verið ónákvæm, til dæmis ef síða eða færsla er sett upp á óvenjulegan hátt. Farðu því yfir hráefni og magn áður en þú eldar eftir uppskrift sem hefur verið sótt eða lesin sjálfvirkt, sérstaklega ef ofnæmi eða óþol er á heimilinu.
Deilir þú innkaupalista með hlekk berð þú ábyrgð á því hverjum þú sendir hlekkinn. Hver sem hefur hann getur séð og breytt þeim lista þar til þú hættir að deila honum.
Lás á vöru í Búrinu er vörn gegn því að henni sé eytt óvart, ekki öryggisráðstöfun. Allir sem hafa aðgang að heimilinu geta áfram séð vöruna. Gleymist lykilorðið er ekki hægt að eyða læstum vörum fyrr en það hefur verið endurstillt, og þú getur haft samband við okkur til þess.
Lás á gjafalistum er ætlaður til að halda gjöfum leyndum fyrir öðrum á heimilinu, t.d. börnum, en er ekki öryggisráðstöfun gegn þeim sem hafa aðgang að aðganginum sjálfum eða tækinu. Listarnir læsast aftur þegar farið er af þeim eða appið er sett í bakgrunn. Gleymist lykilorðið getur þú haft samband við okkur og við tökum læsinguna af. Við skoðum ekki efni gjafalistanna til þess.
Deilir þú mynd af matseðli eða öðru efni úr Memor berð þú ábyrgð á því hverjum þú sendir hana. Merki Memor á myndinni má birta með henni.
Þú getur tengt allt að fimm dagatöl frá öðrum þjónustum, t.d. Google, Apple eða Outlook, með áskriftarhlekk. Tengingin veitir Memor eingöngu lesaðgang. Memor breytir engu í upprunalega dagatalinu, og viðburðum úr tengdu dagatali er breytt þar.
Breytingar í upprunalega dagatalinu birtast í Memor með nokkurra mínútna töf. Við gerum okkar besta til að allir viðburðir, tímabelti og endurtekningar birtist rétt, en ábyrgjumst það ekki í öllum tilvikum. Staðfestu því mikilvægar tímasetningar í upprunalega dagatalinu. Ef dagatalsþjónustan er óaðgengileg getur Memor sýnt þá viðburði sem síðast náðust.
Þú berð ábyrgð á að hafa heimild til að tengja dagatalið og birta efni þess á heimilinu. Hver sem hefur áskriftarhlekk getur séð dagatalið sem hann vísar á. Teljir þú að hlekkur hafi borist óviðkomandi skaltu búa til nýjan hlekk hjá dagatalsþjónustunni og tengja dagatalið aftur.
Þú getur deilt dögum af matseðlinum, ásamt uppskriftum og myndum réttanna, með hlekk. Sá sem fær hlekkinn getur skoðað efnið og sett það inn á sinn eigin aðgang í Memor. Þú berð ábyrgð á því hverjum þú sendir hlekkinn og á því að deila ekki uppskriftum annarra umfram það sem eðlilegt er, sbr. grein 6.4.
Þegar þú notar Memor er meðal annars óheimilt að:
nota þjónustuna í ólögmætum tilgangi eða á þann hátt að brotið sé gegn réttindum annarra;
reyna að nálgast óheimilan aðgang að kerfum, gögnum eða aðgöngum annarra notenda Memor;
trufla, skaða eða íþyngja rekstri þjónustunnar, til dæmis með sjálfvirkum fyrirspurnum eða skaðlegum hugbúnaði;
afrita, breyta eða dreifa hugbúnaði Memor umfram það sem nauðsynlegt er til venjulegrar notkunar.
Memor, þ.m.t. hugbúnaður, hönnun, merki og annað efni tengt þjónustunni sem er ekki notendaefni, er í eigu rekstraraðila eða leyfisveitenda hans. Þessir skilmálar veita þér ekki annan rétt en að nota þjónustuna í samræmi við ákvæði þeirra.
Vinnsla persónuupplýsinga í tengslum við notkun þína á Memor fer fram í samræmi við persónuverndarstefnu Memor og lög um persónuvernd og vinnslu persónuupplýsinga nr. 90/2018.
Við leitumst við að tryggja stöðugt aðgengi að Memor en ábyrgjumst ekki óslitið eða villulaust aðgengi. Við áskiljum okkur rétt til að stöðva þjónustuna tímabundið vegna viðhalds, uppfærslna eða annarra atvika sem eru utan okkar stjórn.
Þar sem áskrift endurnýjast ekki sjálfkrafa, sbr. kafla 5.3, þarft þú ekki að segja henni upp, hún rennur einfaldlega út í lok tímabils. Þú getur þó eytt aðgangi þínum hvenær sem er í appinu, óháð því hvort áskriftartímabil er enn virkt.
Við getum takmarkað eða lokað aðgangi þínum brjótir þú gegn þessum skilmálum.
Við lok áskriftar eða lokun aðgangs gilda ákvæði persónuverndarstefnu um varðveislu og eyðingu gagna.
Um skilmála þessa gilda íslensk lög. Rísi ágreiningur um þá sem ekki tekst að leysa með samkomulagi skal reka málið fyrir Héraðsdómi Reykjavíkur.
Tilkynningar frá okkur til þín vegna þjónustunnar, þar á meðal um breytingar á skilmálum þessum, berast með tölvupósti á það netfang sem skráð er á aðganginn þinn eða með tilkynningu inni í appinu sjálfu.
Við áskiljum okkur rétt til þess að uppfæra þessa skilmála, til dæmis vegna breytinga á þjónustunni eða lagakrafna. Breytingar sem snerta réttindi þín eða verð eru tilkynntar í appinu með stuttri samantekt, og verulegar breytingar með fyrirvara. Breytingar sem eiga aðeins við um nýjan, valfrjálsan eiginleika eru skráðar í breytingasöguna hér að neðan, og þú samþykkir þær sérstaklega áður en þú tekur eiginleikann í notkun. Sért þú ósátt/ur við breytingar getur þú sagt áskriftinni upp samkvæmt 11. gr.
21. október 2026: Grein 5.2: greiðslur með korti hjá Teya staðfestast sjálfkrafa.
20. október 2026: Ný grein 3.2 um aðganga fyrir unglinga. Grein 3.1 vísar á hana.
19. október 2026: Ný grein 5.5 um boð til vina og ný grein 6.9 um matseðil sem deilt er með hlekk. Bráðabirgðaaðgangur í grein 5.2 er fimm dagar og fæst einu sinni á hverjum 20 dögum.
3. október 2026: Ný grein 6.8 um tengd dagatöl.
30. september 2026: Ný grein 3.1 um fleiri aðganga á sama heimili og einkaefni sem aðeins sá sem skráði sér.
29. september 2026: Grein 6.6 nær nú einnig til læstra gjafalista. Grein 4 nefnir óskalista barna.
Spurningar? Sendu okkur línu á info@memor.my.